Eika og Yksnøya

I dag var vi ein gjeng på sju personar på kajakktur. Klokka 14.00 var det oppmøte på bryggja på Eiksund. Vi hadde tenkt oss ein tur til Yksnøya. Då vi var komne til Yksnøya, kunne vi like gjerne padle heilt rundt. Det var litt skvalpesjø, og eg har ikkje prøvd so mykje teknikk i slik sjø der vind og bølgjer kjem frå kvar sine retningar. Eg prøvde å bruke mest mogleg teknikk då vi var der. Eg kjenner at eg bør vere meir ute i slike forhold og trene teknikk.

Vi kom inn i ei bukt på Yksnøya. Her var det stilt. Eg prøvde kanting her også, kjekt å sjå kor mykje ein klarer. Eg blei litt for ivrig med kantinga, og plutselig hadde eg velta. Eg tenkte på å ta rulla, men det ligg automatisk inne i kroppen å løyse spruttrekket når eg går rundt. So eg gløymde heilt av rulla. Etter ei cowboyredning, var vi klare til å padle vidare.

Vi tok ei pause ved «Yksnøynaustet», som blei bygd i 2003 av elevar ved Høgskulen i Volda. Eg hadde berre ete flatbrød til frukost, og var bra svolten då vi tok pause. Eg og mamma delte på ein pakke med Bixit blåbærkjeks. Etterpå fekk vi ferskt brød med Christer. Han hadde laga ei deig som han steikte på stormkjøkenet. Veldig godt 🙂

Etter pausa var det uvanlig stilt. Då trente eg mest mogleg teknikk. For første gong fekk eg til den høge telemarksvingen skikkelig! Det er ein eg har lært av Eldar. Veldig artig når det både fungerar, og ser kult ut samtidig! Vi komm etter kvart inn i ei bukt. Nesten som ei lagune. Eg skulle prøve å stå i kajakken, sidan eg aldri har fått det til før. Eg fekk ikkje til å stå i kajakken, so øvde litt på redningar i staden. Prøvde «kiss-the-bow» også, men velta rett etterpå. Men no er eg ikkje redd for å velte lenger, og det er eit STORT framsteg i seg sjølv! Eg lånte Skim Dex-en til Eldar då va padla tilbake. Det såg ut til å vere litt meir vind og bølgjer på vegen tilbake, og ville gjerne prøve Dex-en i dei forholda som var.

Då vi kom tilbake, bles det meir enn det hadde gjort tidlegare på turen. Etter vi kom oss på land, bles den enda meir. So eg kan seie det var passeleg god timing å komme på land. Turen hadde tatt fem og ein halv time. Fem og ein halv time med rein moro! Det blir berre kjekkare og kjekkare å padle di meir ein padlar og meir ein lærer seg. Vi var komne heim akkurat seks timar sidan vi la ut på sjøen. Neste padleøkt blir i morgon. Og eg gler meg allereie! Det er veldig kjekt på tur, altso!

Takk for turen!

Dessverre er ikkje alle bileta like klare. Bileta er tatt med mobilkamera sidan vårt sitt har takka for seg.

Reklame

Kjeldsund

I dag var vi på Kjeldsund igjen. Annonserte turen til HKK-medlemmane, men berre eg, pappa, Cathrine og Tor Inge blei med. Klokka var rundt 18.30 då vi kom oss på sjøen. Cathrine padla Tahe Marine Wind 505, eg padla min sin, Tor Inge padla sin Arrow Play, og pappa padla sin Valley Aquanaut HV. Cathrine har ikkje padla so mykje i frå før, berre då ho var på Grunnkurs UNG på Borgarøya for nokre veker sidan. Ho fann seg godt til rette i kajakken etter kvart.

Vi snirkla oss meir eller mindre fram til Leikong. Her bur ein tidlegare arbeidskollega av pappa. Vi kom på land og helste på dei. Pause er ikkje det same utan noko å bite i, og pappa hadde kjøpt Bixit-kjekt til turen. Bixit har nok rett – kjeksa er aller best på tur!

På tilbakevegen, bytta eg og Tor Inge kajakk. Eg fekk prøve Arrow Play. Det første eg tenkte var at det sikkert var veldig mykje plass til beina. Eg trudde det skulle vere vanskeleg å sitte som ein skal gjere i ein kajakk. Men eg tok feil. Det er ein av dei beste kajakkane eg har prøvd! Han var veldig god å sitte i. Og det var nauta enkelt å kante med han. Han reagerte veldig godt på tak og andre teknikkar. Hadde eg vunne i Lotto, hadde ein slik ein stått på handlelista! Steik kor god han var, altso!

Eg fekk også taue ein del på vegen tilbake. Eg spurte Cathrine om var greit at eg taua henne eit stykke. Ja – det fekk eg. Det er greitt å få øve på det. Litt dumt å komme på aktivitetsleiar-kurs til hausten og nesten aldri ha taua nokon. Det var ikkje tungt, men eg kjende at eg måtte ta i litt meir i padletaka for å halde følgje med dei andre. Det gjekk ganske greitt. Faktisk er det litt gøy å taue 🙂

Det var ein veldig fin tur. Veldig kjekt at Cathrine ville vere med. Synes ho er flink, eg 🙂

Det er veldig fint å padle på Sunnmøre, uansett vêr. Biletet er tatt under ein overnattingstur på Kvitøya i fjor.

Takk for turen!

Eiksund

I dag var vi på Eiksund. Vi var elleve personar som var med. Det skulle blir ein søndagstur med litt rolig tempo, fokusere litt på leik og sånn. Vi padla stort sett inne med land. Etter rundt ein time, fann vi ei vik der det var fint å ta pause. Der gikk vi i land. Det blei tomatsuppe og polarbrød hos oss, pannekaker, grillpølser og diverse anna hos dei andre. Under pausa prøvde Daniel, Elias og Håkon seg på å senke greenland’en til klubben. Artig underhaldning for oss på land 🙂

Etter pausa padla vi rett over til Eika. Dei fire yngste fekk slep etter lang tur og ei ganske aktiv pause. Vi lurte på å padle litt lenger, men det blei nedstemt av dei som var slitne. Då vi kom inn igjen, blei det MASSE bading! Eg trente ein del på cowboy-redning sidan eg ikkje er verdens flinkaste på redning i nye-skuta mi. Har vore litt for lite øving på det etter eg kjøpte båten. Eg prøvde også å stå i kajakken, men lykkast ikkje heilt. Men skal få det til seinare! Rulla prøvde eg ikkje i dag, men bør trene ofte på det. Merka allereie på teknikkurs at rulleteknikken har glidd litt av siste månadane. Har erfart at å slepe inn ein tung plastbåt full med vatn aleine, utan slepeline, ikkje er enkelt. So slepeline blir nok neste innkjøp til padlinga.

Takk for turen og erfaringane!

Teknikktrening på Kjeldsund

Tidlegare i dag var eg, pappa, Eldar og Øyvind på Kjeldsund. Øyvind skal ta grunnkurs over fleire turar saman med Eldar, og Eldar ville starte med å gå igjennom teknikkane i dag. Eg fekk prøve å vise teknikkar, forklare kvifor ein skal bruke dei, og kor tid. Eg trur alle lærte litt av dette. Eg lærte av Eldar å forklare diverse, Eldar lærte måtar å trene teknikk på. For eksempel på kanting. Øyvind lærte mest av oss fire på turen, teknisk i alle fall.

Før vi tok pause, begynte Eldar å fikle med ein «høg telemarksving». Han hadde fått forklart det av Thomas, som hadde sett at Dag hadde gjort det. Han fekk det faktisk til! Etter kvart so prøvde både eg og Øyvind dette. Det såg i alle fall veldig kult ut!

Til slutt bytta vi litt på kajakkane. Eg prøve Skim Dex – ein båt eg håpar på å få nok pengar til å kjøpe, før eller seinare. Eldar fekk prøve min båt, og Øyvind prøvde Romany-en. Pappa hadde gått på land før vi begynte med bytting av båtane, so han blei ikkje med på moroa. Fekk ein artig kommentar med pappa: «Hadde eg måtta kjøpt meg ein båt til, so hadde det vore ein North Shore Polar. Den båten likar eg, altså!». Det er kjekt med slike kommentarar. Då veit ein i alle fall at det ikkje berre er ein sjølv som meinar at ein har gjort eit godt kjøp!

Prøvde forresten Werner Little Dipper i dag. Synes den er heilt grei. Synes det er litt rart å padle med lav åreføring, sidan dette er ei åre som er laga for lav åreføring. Werner Little Dipper er laga for lengre turar. Den gir mindre belastning på ledd. Åra har Bent Shaft, og var difor litt uvant for meg som vanlegvis padlar med «standard». Men er glad for erfaringa.

Det er veldig fint på Kjeldsund. Bileta er tatt i frå ei tidlegare anleidning.

Takk for ein lærerik tur!

Snipsøyrvatnet rundt!

I helga var eg på Nordfjordeid på korpstur med USK og HDS. Det var ei veldig kjekk helg! Vi kom heim i fire-tida; utslitte etter marsjkonkurranse, SKIVA-seminar og varme uniformer. Men ein kan ikkje slutte av helga med svette, kokheite uniformer og ein biltur heim med både regn og hagl. Jo – då måtte det ein padletur til! 😀

Eg, pappa og Anders starta turen ved Holesanden, Snipsøyrvatnet. Anders har aldri padla før, so vi viste han det grunnlegjjande før vi begynte på turen. Pappa viste cowboy-redning, etterpå viste vi kamerat-redning. Ein skal ikkje ut på padletur utan å vite kva ein skal gjere om ein veltar!

Vi padla enkelt og greitt ved land. Eg og pappa viste litt kanting og måtar å svinge på. Vi brukte ikkje so veldig lang tid, sidan eg ikkje har ferie heilt enda. Men i sommar blir det masse padling! Vi tok ei lita pause ved Nessetelva, litt godt å få strekke litt på beina! Etter pausa møtte vi ein som stod og fiska, prata også litt med han. Etterpå blei det ganske greitt padling tilbake til Holesanden. Turen blei på omlag 11 kilometer, ein god kveldstur.

Klokka fem over halv tolv, var vi inne med land. Det er ikkje so kjekt å vite at ein må heim og på skule dagen etter når ein er på ein slik tur. Eg vil stadig tilbake til Rogen på ein liten ekspedisjon. Ein lengre kajakktur med overnatting var veldig fristande. Men berre to skuledagar til ferie!

 

Takk for turen!

Padlesamling på Borgarøya – Teknikkurs

Eg skreiv ikkje innlegg for torsdag, då eg, mamma og nokre til, til Borgarøya for å sjå at alt var klart til helga. Det blei ein tur på rundt to og ein halv time. På fredag var det padleleir, noko eg såg veldig fram til. Eg skulle gå teknikkurs, kurset etter grunnkurs og før aktivitetsleiarkurs. Det skulle bli kjekt å lære seg fleire teknikkar, og ikkje minst forbetre dei eg allereie kunne.

Fredagen for vi utover i sju-tida. Eg padle med Eldar, Elin og ein god gjeng til. Eg skulle føre gjengen til Borgarøya, og det blei ein lengre tur enn planagt. Eg klarte å før gjengen forbi Hatløya og til Håkonsholmen i staden for. Men Eldar redda oss med telefonen sin som han hadde med seg. Men vi kom i alle fall fram til slutt!

Fredag kveld møtte eg Cathrine, Monica og Ane. Vi skulle sove i telt i lag. Cathrine og Monica går eg- , og har gått i klasse med, og har kjent i over ni år, men Ane møtte eg for første gong. Dei tre skulle på Grunnkurs UNG med sju andre ungdommar og Dag Roland som instruktør.

Laurdag morgon starta kurset. På teknikkurset var Torbjørn Nordeide instruktør. Vi starta med oppvarming – ein leik eg lærte på grunnkurs på Rangøya i haust. Eg hugsa ikkje alle reglane og sånn – men varme blei vi i alle fall. Då vi kom ut i båtane, prøvde vi kanting. Vi skulle finne punktet for vår eigen kajakk, kor min kajakk ville velte. Det gjekk ganske fint. Veldig nyttig sidan min kajakk er ganske ny, eg har ikkje fått brukt han so veldig mykje enno. Vi padla kurset som ein tur med teknikkar lagt inn i mellom. Den måten å setje opp kurset likar eg veldig godt. Vi padla rundt Hatløya. Det var veldig stilt, sett vekk i frå eit lite parti der det var litt dønningar i frå sjøen. Her bytta vi båtar, litt greit å prøve å bytte båtar i litt bølgjer. Etter ti minutt med testing av «bytte-båten», som for meg var ein Valley Nordkapp, bytta vi tilbake igjen. Vi padla tilbake, øvde litt på redningar – kameratredning, stigeredning, cowboyredning, åreposeredning og eskimoredning. Rulling høyrer med, so vi prøvde alle å rulle før vi for til land. Nesten alle på gruppa kunne rulla. Eg klarte rulla ein eller to gongar med nyebåten, men skal øve meir.

Laurdagen letta vêret. Det blei vêr til å grille. Tor Inge grilla laks – ALDRI har grilla laks vore so godt som denne gongen! Klokka går fortare når ein har det kjekt. Rundt klokka tolv tok vi kvelden, spente på kva som skulle skje dagen etter.

Teknikkurset starta igjen klokka halv ti på søndagen. Vi starta med å sjå på forskjellige båtar. Vi lærte om forskjellige båtar i forskjellige forhold og situasjonar. Dette var lærerikt! Då vi kom oss på sjøen, ville ein på kurset ta eskimoredning. «Ikkje velt!» stod det ei på brygga og ropte. Han velta… «Nei!» ropte ho. Han kom straks opp igjen. Drakta verka tung. Då hadde glidelåsen på drakta vore open! Akkurat då vi såg det, sjekka alle sine eigne glidelåsar! Men alle tok det med ein god latter – sånt kan skje alle!

Søndagen padla vi bort til Håkonsholmen. Her tok vi pause. Denne dagen fokuserte vi mykje på teknikk, at teknikkane skulle sitte bra. Vi prøvde tauing. Kvar sin gong å vere sjøsjuk, støtte til den sjøsjuke, og den som taua. Vi avslutta denne dagen med litt velt og anna moro.

Vi pakka saman etter ei veldig kjekk helg. Denne helga kjem til å bli hugsa i lang tid! Vi padla tilbake. Eg hadde ikkje lyst til å padle der i frå sidan det har vore so gøy. Men vi skal til Bergen og til Rangøya i september, og det er ikkje so lenge til.

Eg er veldig fornøgd med kurset. Det hadde ikkje blitt like bra utan den kjekke gruppa og den flinke instruktøren. Eg har lært masse, og fått opplevingar eg kjem til å halde på i lang tid.

Kommentar (Elin som har skrive): «Hjelp vi dette uti sjøen…!!»

Kommentar (Elin som har skrive): UPS… der forsvant visst den eine..!

Tusen takk for ei kjekk helg, og eit kjekt og lærerikt kurs!

Vårt kamera takka for seg
fredag kveld – so eg har fått
låne bilder med Elin.

Har kjøpt meg ny båt!

I dag har eg kjøpt meg ny båt! Eg har kjøpt ein North Shore Polar, ein båt eg virkelig har sansen for. Eg var til Herøy i dag formiddag, der fekk eg prøve North Shore Polar og North Shore Atlantic LV. Eg likte Atlantic heilt greit, men han var ikkje heilt god for meg. North Shore Polar er ein av dei beste båtane eg har prøvd. Eg likar at eg kan kante den ganske mykje før han veltar. Det var enkelt å utføre teknikk i denne kajakken, og eg klarte å halde følgje med dei andre. Dette blei til slutt min kajakk!

Eg er heilt oppe i himmelen etter å ha kjøpt meg kajakk. Eg, mamma, pappa, Trygve, Bonus, Elin og Elias tok turen til Snipsøyrvatnet for å leike oss litt. Bonus var litt skeptisk til å vere i kanoen, men roa seg litt etter kvart. Plutselig var det ikkje so greit lenger, og han gøydde og blei urolig. Plutselig datt han i vatnet. Då blei det stilt! Men då han kom opp i kanoen igjen blei det heilt greitt. Fraus litt, kanskje litt redd. Men kva skal ein forvente av ein kvalp på 12 veker som har vore i båt ein gong før?

Eg er storfornøgd med den nye kajakken. No skal eg bli mykje meir aktiv i padlinga. Eg gler meg til å kome ned i båten igjen!

Foredrag med Erik B. Jørgensen

I dag var eg, pappa og fleire i frå HKK på foredrag hos Erik B. Jørgensen. Han padlar for tida Skandinavia rundt. På foredraget prata han om denne turen. Også om turen han hadde rundt Danmark i begynnelsen av 2010. Turen rundt Danmark var ein vanskeleg tur. Det skal vere den fælaste vinteren i Danmark på 23 år. Veldig kaldt. Mykje is på sjøen, noko som gjorde Danmark Rundt-turen vanskeleg.

Skandinavia rundt er ein ekspedisjon som er lagt opp til eit halvt år. Han padlar i frå grensa mellom Russland og Noreg i nord. Han padlar kysten i Noreg, Sverige og Finland før han avsluttar på grensa mellom Finland og Russland. Turen er på mellom 7.200 og 7.400 km.

Erik B. Jørgensen skriv blogg om denne turen. Eg anbefalar å lese, det er ein spennande ekspedisjon. Bloggen kan du finne HER.

Bilete henta i frå: http://komud.dk/kategorier/skandinavien-rundt-i-kajak/

 

Kjeldsund

Etter ei god stund utan padling, tok vi ein tur på sjøen igjen. Vi la ut i frå Kjeldsund, eg med mamma sin nye Valley Nordkapp. Det var meldt fint vêr i dag, men det er ikkje alltid at vêrmeldingane stemmer. Det pøsa ned! Men at vêret ikkje er so fint betyr ikkje at turen ikkje blir kjekk!

Vi padla ikkje so lenge før vi kom inn i ei bukt. Her trena vi litt teknikk; kanting, svinging og andre teknikkar. Her fann vi også ein fin plass å ha pause. Ei god pause følgjer med på kjekke turar, denne turen var ikkje noko unntak. Etter pausa hadde vi ei økt med sisten i kajakkane før vi tok turen tilbake til bilane. I slutten av turen fekk eg prøve Elin sin nye North Shore Polar. Dette er ein båt eg vil prøve meir!

-Takk for turen!